Дастовардҳои сиёсати аграрӣ меафзоянд

Июль 20, 2011 17:07

Душанбе, 20 июл. (АМИТ «Ховар», Лаззат Диловарзод).- Вазорати  кишоварзии Ҷумҳурии Тоҷикистон дар шаш моҳи аввали соли ҷорӣ фаъолияти худро дар асоси Низомнома ва дастуру супоришҳои Президенти кишвар ҷиҳати  афзун намудани ҳаҷми истеҳсоли маҳсулоти кишоварзӣ,  ба манзури  татбиқи сиёсати аграрии Ҳукумати ҷумҳурӣ, таъмини амнияти озуқаворӣ ва сазовор ҷашн гирифтани 20 – солагии Истиқлолияти давлатии Тоҷикистон равона кардааст.Дар натиҷаи ин ҳаҷми умумии маҳсулоти кишоварзӣ дар ҳамаи хоҷагиҳои деҳқонӣ (фермерӣ), шахсони инфиродӣ ва аҳолии ҷумҳурӣ дар шаш моҳи аввали соли 2011 ба 3 млрд. 18 млн. сомонӣ расонида шуд, ки ин нисбат ба ҳамин давраи соли 2010 ба андозаи 240 млн. сомонӣ зиёд буда, дар соҳаи растанипарварӣ 11,2 ва дар соҳаи чорводорӣ 5,2 фоиз афзудааст.Сабаби  дигари зиёд шудани маҳсулоти кишоварзӣ   гузаронидани кишти такрорӣ мебошад. Масалан  то санаи 18 – уми июли соли ҷорӣ дар масоҳати 64 ҳазору 277 гектар (аз 70 ҳазору 81 гектари нақшавӣ) баъди ҷамъоварии ҳосили якуми зироатҳои кишоварзӣ кишти такрорӣ сурат гирифтааст.Дар нишасти матбуотӣ аз камбудиҳо низ чашм пӯшида нашуд. Камбудиҳо асосан хусусияти  субъективӣ дошта,   ба фаъолияти роҳбарону кормандон вобаста набуданашон бо далелҳои раднопазир    пешкаши хабарнигорон  гардонида шуд.Бо вуҷуди зикр шудани  даҳҳо камбудию норасоиҳои соҳа, фаъолияти шашмоҳаи кормандони кишоварзӣ  қаноатбахш дониста  шуд.  

Июль 20, 2011 17:07

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд