ДИТ 30 ҳазор мутахассис тайёр намудааст

Душанбе, 27 июл. (АМИТ «Ховар», Сангзода Муслиҳиддин).- Барои сазовор пешвоз гирифтани ҷашни бошукӯҳи 20-солагии Истиқлолияти давлатии Ҷ Т ва 15 -солагии Донишкадаи иқтисодии Тоҷикистон корҳои ободонию бунёдкорӣ хуб ба роҳ монда шуда, даври бинои асосӣ панҷарабандӣ шуда, инчунин дар саҳни донишкада майдончаи «Ҷавонон» сохта шуд, ки онро фаввора ва дарахтони сояафкан зеб медиҳанд,- зикр намуд Нозимҷон Нидоев, ректори донишкадаи мазкур 27 июл дар нишасти матбуотӣ. Айни замон дар донишкада 4 факулта, шӯъбаи ғоибона ва 18 кафедра мавҷуд аст, ки 15- тои он кафедраҳои тахассусӣ буда, аз рӯи 20 ихтисос бакалавр ва мутахассис тайёр мекунанд. Тайи 15 соли фаъолият ин даргоҳи маърифатро зиёда аз 30 ҳазор мутахассисони варзидаи соҳаҳои ҳуқуқ ва иқтисодиёт хатм намуданд,-афзуд ректори донишкада дар хотима.