Донистан ҳатмист

Душанбе, 22 июл.(АМИТ «Ховар», Марзия Саидова).-Баъди ворид намудани тағйиру иловаҳо ба қисми шашуми моддаи 11-и Қонуни конститутсио¬нии Ҷумҳурии Тоҷикис¬тон «Дар бораи судҳои Ҷумҳурии Тоҷикистон» минбаъд донистани забони давлатӣ ба яке аз талабот нисбат ба номзадҳо ба вазифаи судяҳои мақомоти судии шаҳру ноҳияҳо ва вилоятҳои ҷумҳурӣ маҳсуб меёбад. Қонуни мазкур дар иҷлосияи шашуми Маҷлиси миллӣ даъвати чорум ҷонибдорӣ гардид. Яъне, минбаъд шахсоне, ки ба вазифаи судяҳои Суди Олӣ, Суди Олии иқтисодӣ, суди Вилояти Мухтори Кӯҳистони Бадахшон /ВМКБ/, судҳои вилоят ва суди шаҳри Душанбе, суди шаҳр ва ноҳия, судҳои ҳарбӣ, суди иқтисодии ВМКБ, судҳои иқтисодии вилоят, суди иқтисодии шаҳри Душанбе интихоб мегарданд, бояд забони давлатиро донанд. Мақсад аз ворид намудани тағйиру иловаҳо ба Қонуни конститутсионии Ҷумҳурии Тоҷикистон «Дар бораи судҳои Ҷумҳурии Тоҷикистон» татбиқ намудани муқаррароти меъёрҳои Қонуни Ҷумҳурии Тоҷикистон «Дар бораи забони давлатии Ҷумҳурии Тоҷикистон» аст