Эмомалӣ Раҳмон аз корхонаи коркарди нафт дидан намуд
Шаҳринав, 23 июл. (АМИТ «Ховар», Дилшодаи Хайруллоҳ). – Бо мақсади густариш додани фаъолияти корхонаҳои саноатӣ ва рушди соҳа Сарвари Давлат Эмомалӣ Раҳмон барои бунёди корхонаи коркарди нафти ноҳияи Шаҳринав замина гузошта, дар ин мавзеъ барои наслҳои оянда санги асос гузошт. Корхонаи коркарди нафт дар масоҳати 10 гектар аз ҷониби ҶДММ «Капитал» ва бо маблағгузории соҳибкор Ҳоҷӣ Рустам Дӯстов бунёд мегардад. Айни замон барои пешбурди корҳои сохтмонӣ 180 нафар сокинони маҳаллӣ ба кор ҷалб шудаанд. Сардори Давлат супориш дод, ки корхонаи коркарди нафт то ҷашни Истиқлолияти соли 2012 бояд ба истифода дода шавад. Бояд гуфт, ки корхона дар сурати ба кор даромадан дар як шабонарӯз 100 тонна ва дар як сол 100 000 тонна нафтро кор карда, бензин, солярка, мазут ва карасин истеҳсол менамояд. Дар ҳолати пурра ба кор даромадан шумораи коргарони корхона дар се баст ба 400 нафар мерасад. Эмомалӣ Раҳмон ҳангоми сӯҳбат бо сохтмончиён ва масъулини корхона таъкид намуда гуфт, ки дар сурати коркарди маҳсулоти нафтӣ дар кишвар ҳангоми боло рафтани нархи сӯзишворӣ ва камбуди он ниёзи мардум бароварда шуда, арзиши аслии он дар низоми муайян қарор мегирад. Зимни сафари худ Эмомалӣ Раҳмон бо доираи васеи сокинону фаъолони ноҳия мулоқоти самимӣ ороста, роҷеъ ба паҳлӯҳои мухталифи бахшҳои хоҷагии халқи ноҳия ибрози назар намуд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






