«Ганҷи нуҳуфта»

Душанбе, 15 июл. (АМИТ «Ховар», Заррина Саидова).- Бахшида ба 20- солагии Истиқлолияти давлатии Ҷумҳурии Тоҷикистон фестивали ҳаваскорони маъюбро таҳти унвони «Ганҷи нуҳуфта» баргузор менамояд.Фестивал аз ду давр иборат буда, даври якум моҳҳои август ва сентябр дар маркази вилоятҳо ва даври дуюм моҳи ноябри соли 2011 дар шаҳри Душанбе доир мегардад.Дар даври якуми фестивал ҷамъиятҳои маъюбон, раёсату шӯъбаҳои ҳифзи иҷтимоии аҳолии шаҳру ноҳияҳои ҷумҳурӣ барномаҳои консертиро омода карда, дар маркази вилоят ба маърази тамошобинон мегузоранд.Ба даври ниҳоӣ, ки дар пойтахти ватанамон доир мегардад, барномаҳои консертии беҳтарин роҳхат мегиранд.Раёсати ҳифзи иҷтимоии Вазорати меҳнат, ҳифзи иҷтимоӣ ва шуғли аҳолии Ҷумҳурии Тоҷикистон, Агентии давлатии ҳифзи иҷтимоӣ,шуғли аҳолӣ ва муҳоҷират, Сарраёсатҳои ҳифзи иҷтимоии аҳолии Вилояти Мухтори Кӯҳистони Бадахшон, вилоятҳои Суғду Хатлон, раёсату шӯъбаҳои ҳифзи иҷтимоии аҳолии ноҳияҳои тобеи ҷумҳурӣ муштаракан бо ҷамъиятҳои маъюбон ва мактаб-интернатҳоимахсуси маъюбон тадбирҳои мушаххасро амалӣ мегардонанд.