Хусусигардонии манзил идома дорад

Душанбе, 25 июл. (АМИТ «Ховар», Лаззат Диловарзод).- Тибқи маълумоти Агентии омори назди Президенти ҷумҳурӣ, то 1 –уми июли соли 2011 дар ҷумҳурӣ (аздавраи аввали хусусигардонӣ) 263,1 ҳазор манзили истиқоматӣ (квартира) хусусӣ гардонида шудааст. Аз он ҷумла 192,1 ҳазор манзил фурӯхта шуда, 41,1 ҳазор манзил ба аҳолӣ бо пардохти қисми пулаш ва 66,8 ҳазор хонаи истиқоматӣ ба аҳолӣ ба таври ройгон дода шудааст. Масоҳати умумии хонаҳои хусусигардонидашуда 14,4 млн. метрии мураббаъро ташкил медиҳад.
 
Хусусигардонии манзил дар ду минтақаи ҷумҳурӣ; ВМКБ ва Суғд то 1 –уми июли соли ҷорӣ чунин сурат гирифтааст: дар ВМКБ 2396 хона хусусӣ гардонида шуда, 775 хона ройгон, 50 хона қисман ройгон дода ва 1751 хона ба аҳолӣ фурӯхта шудааст.
 
Дар вилояти Суғд 39 ҳазору 449 хона хусусӣ гардонида шуда, 17 ҳазору 756 хона ба аҳолӣ ройгон, 759 хона қисман ройгондода шуда ва 209 ҳазору 934 хона фурӯхта шудааст.
 
Дар нимаи аввали соли ҷорӣ дар ҷумҳурӣ ҳамагӣ 681 хонаи истиқоматӣ хусусӣ гардонида шудааст, ки 7 – тои он ба ВМКБ ва 211 –тояш ба вилояти Суғд тааллуқ дорад.