Ифтитоҳи корхонаи аккумуляторбарорӣ

Душанбе, 29 июл. (АМИТ «Ховар», Дилшодаи Хайруллоҳ).- Имрӯз бо ташаббуси Вазорати энергетика ва саноати Ҷумҳурии Тоҷикистон дар шаҳри Душанбе боз як корхонаи нави аккумуляторбарорӣ кушода шуд.Дар маросими ифтитоҳи он Вазири энергетика ва саноати Ҷумҳурии Тоҷикистон Гул Шералӣ иштирок намуд.Корхона аз ҷониби ҶДММ «Ток» бо сармоягузории шаҳрванди Канада ва соҳибкори инфиродӣ Холиқов К. ба истифода дода шудБарои сохтмони ин коргоҳ 400 ҳазор доллари ИМА масраф шуда, саҳми тарафҳо 50 фоизӣ мебошад.Дар коргоҳ 5 намуд аккумуляторҳо: СА-60, СА-75, СА-120, СА-140 ва СА-190 барои автомобилҳои гуногунтамғаи сабукрав ва боркаш истеҳсол карда мешавад.Иқтидори истеҳсолии корхона дар ибтидо 15 ҳазор адад дар як сол буда, бо назардошти мавҷуд будани талабот барои то 45 ҳазор адад расонидани он имконият вуҷуд дорад.Шумораи ҷойҳои корӣ алҳол 30 адад ва дар сурати зиёд намудани ҳаҷми истеҳсол ба 50 адад расонида мешавад.