Истеҳсоли маҳсулоти саноат меафзояд
Душанбе, 21 июл. (АМИТ «Ховар», Покиза Маҳмадбекова). – Аз моҳи январ то моҳи июни соли ҷорӣ истеҳсоли маҳсулоти саноат дар Тоҷикистон 3,2 миллиард сомониро ташкил дод. Мувофиқи маълумоти Агентии омори назди Президенти ҶТ, феҳрасти тавлиди маҳсулоти саноат нисбат ҳамин давраи соли гузашта баробари 105,8 фоиз буд. Сабаби афзудани ҳаҷми маҳсулоти саноат нисбат ба ҳамин давраи соли гузашта афзоиш ёфтани истихроҷи маводи ғайриэнергетикӣ, истеҳсоли маҳсулоти ғизоӣ, нассоҷӣ, дӯзандагӣ, истеҳсоли асбобҳои электротехникӣ, ҳамчунин маҳсулоти минералӣ мебошад. Ҳаҷми истеҳсоли саноати коркарди маҳсулот беш аз 2 миллиард сомониро ташкил дод. Нишондиҳандаҳои истеҳсолу тақсими қувваи барқ, газ ва об баробари 782,8 миллион сомонӣ мебошад. Дар давраи ҳисобот корхонаҳои коркарди нахи пахта ба маблағи 242,8 миллион сомонӣ маҳсулот бароварданд, ки ин назар ба ҳамин давраи соли гузашта баробари 3,2 фоиз камтар аст. Корхонаҳои берун аз тобеи вазорату идораҳои ҷумҳурӣ ҳаҷми истеҳсолотро 10,6 фоиз кам намуда, ба маблағи 727,1 миллион сомонӣ маҳсулот баровардаанд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






