«Истиқлол» дарвозаи «Шодмон»-ро тӯбборон кард

Душанбе, 11 июл. (АМИТ «Ховар», Пайрав Назаров). – 8 июл дастаи «Истиқлол» дар доираи даври 22 – уми мусобиқоти Тоҷикистон оид ба футбол байни дастаҳои лигаи олӣ дар варзишгоҳи «Авиатор» — и шаҳри Душанбе бо клуби «Шодмон» — и ноҳияи Ҳисор қувваозмоӣ намуд. Ин вохӯрӣ бо ҳисоби 6:1 ба фоидаи дастаи шаҳри Душанбе анҷом ёфт. Дар ин вохӯрӣ бозингари дастаи «Истиқлол» Фарҳод Тоҳиров ба дарвозаи дастаи ҳариф 4 тӯб ворид намуд. 9 июл боз чор вохӯрии даври хотимавии мусобиқот баргузор гардид, ки дар он дастаҳои зерин қувваозмоӣ намуданд: «Парвоз» — «Хуҷанд», Энергетик» — «Регар – ТадАЗ», ССКА «Помир» — «Хайр», «Вахш» — «Равшан».