Истиқлолият ва рушди забони миллӣ

Душанбе, 26 июл. (АМИТ «Ховар», Дилшодаи Хайруллоҳ).- Имрӯз дар маҷлисгоҳи меҳмонхонаи «Азия Гранд Отел» бо ташаббуси Кумитаи забон ва истилоҳоти назди Ҳукумати ҶТ ва Сафорати Ҷумҳурии Қазоқистон дар Тоҷикистон таҳти унвони «Тоҷикистон-Қазоқистон: 20- соли Истиқлолияти давлатӣ ва рушди забони миллӣ» мизи мудаввар баргузор гардид.Мизи мудавварро бо сухани муқаддимавӣ раиси Кумитаи забон ва истилоҳоти назди Ҳукумати ҶТ, доктори илми филология, профессор Додихудо Саймиддинов оғоз намуд.Сипас Сафири Ҷумҳурии Қазоқистон дар Тоҷикистон Смагулов Агибай Динкенович, академики Академияи миллии илмҳои Ҷумҳурии Қазоқистон Айтбоев Умирзақ Айтбоевич доир ба воситаҳои истилоҳсозӣ дар забони қазоқӣ сухан ронд.Дар ҳамоиши мазкур ҳамчунин таҳияи фарҳангҳои истилоҳоти соҳавӣ ва мавқеи истилоҳоти тиббӣ дар забони тоҷикӣ баррасӣ ва натиҷагӣ карда шуд.