Кишти такрорӣ дар «Бекназариён»

Ваҳдат, 12 июл. (АМИТ «Ховар», Зебо Давлатова). – Роҳбари хоҷагии деҳқонии «Бекназариён»– и ҷамоати деҳоти А.Абдулвосиеви шаҳри Ваҳдат Мӯсо Холназаров ба хабарнигори АМИТ «Ховар» иттилоъ дод, ки дар майдони 20 гектар замини обии ҳудуди ҷамоат зироатҳои гуногун, аз қабили пиёз, картошка, сабзӣ, қаламфури булғорӣ, карам, зироатҳои лӯбиёгӣ ва ғалла коштаанд. Мӯсо Холназаров афзуд, ки соли ҷорӣ дар масоҳати 6 гектар замин ғалла кошта, аз ҳар гектари он 45 сентнерӣ ҳосил гирифтанд. Айни замон дар 6 гектар кишти такрорӣ гузаронида шуда, дар 3 гектари он ҷуворимакка ва дар замини боқимонда карам кошта шуд.