Корҳои муштараки омӯизшӣ шурӯъ шуданд

Душанбе, 28 июл. (АМИТ «Ховар», Лаззат Диловарзод).- Дар давоми шаш моҳи соли ҷорӣ Саридораи геологияи назди Ҳукумати ҷумҳурӣ перомуни ҳамкории муштарак бо як қатор давлатҳои хориҷӣ созишномаҳои ҳамкориро ба имзо расонид.Тибқи созишномае, ки байни Саридораи геологияи назди Ҳукумати ҷумҳурии Тоҷикистон ва Хадамоти геологии Вазорати замин ва захираҳои Ҷумҳурии Мардумии Чин ба имзо расидааст, корҳои муштараки омӯзиши геологии ҳудудҳои наздисарҳадии Тоҷикистону Чин оғоз гардиданд,- иброз дошт сардори Саридораи геологии назди Ҳукумати ҷумҳурӣ Азим Иброҳим ба мухбири АМИТ «Ховар».Ба иттилои манбаъ, дар давоми шаш моҳи соли 2011 иҷозатномаи «Ширкати кӯҳӣ — саноатии Тоҷикистону Чин» барои омӯзиши геологии зуҳуроти сурбу рӯҳи кони «Зарнисори Шимолӣ» барои имзо ба Ҳукумати Ҷумҳурии Тоҷикистон ирсол гардида, иҷозатномаи ҶДММ «Нурафзои Ширин» қатъ карда шуд.Саридораи геология оид ба бозхонди иҷозатномаҳои ҶДММ «Синержи» ва ҶДММ «Марвис» маводи заруриро омода намудааст.