Корҷӯён дар сирк

Душанбе, 29 июл. (АМИТ «Ховар», Заррина Саидова).- Санаи 29-уми июли соли ҷорӣ Сарраёсати Агентии давлатии ҳифзи иҷтимоӣ, шуғли аҳолӣ ва муҳоҷират дар шаҳри Душанбе, раёсатҳои он дар ноҳияҳои И.Сомонӣ, Шоҳмансур, Фирдавсӣ ва Сино дар саҳни бинои «Сирки давлатии Тоҷикистон» ярмаркаи ҷойҳои кории холӣ ва вазифаҳои озодро баргузор намуд. Дар ин ярмарка 33 корхонаю муассисаҳои шаҳри Душанбе иштирок намуда, ба корҷӯён 2 294 ҷойи кории холиро пешниҳод намуданд.Дар ярмаркаи мазкур ба 37 нафар корҷўй барои кор ва ба 4 нафар барои омўзиши касбҳо роҳхат дода шуд.Аз таҳқиқоти иҷтимоӣ 30 нафар ва аз машварати касбӣ 49 нафар бархурдор гаштанд.Дар ярмарка зиёда аз 310 нафар шаҳрвандони корҷўй ва бекор иштирок намуданд.