Кўҳнаварди олмонӣ дар куҷо ба ҳалокат расид?

Душанбе, 27 июл. (АМИТ «Ховар», Лутфия Эшонқулова). — Шаҳрванди Олмон Рюш Александр Лукас ҳангоми баромадан ба қуллаи «Замок»-и кўхистони Фони ноҳияи Айнӣ ба ҳалокат расид. Тавре ки ба АМИТ «Ховар» аз маркази матбуоти Кумитаи ҳолатҳои фавқулодда ва мудофиаи шаҳрвандии назди Ҳукумати ҶТ хабар доданд, 24 июли соли ҷорӣ ҷасади қурбоншуда дар тарқиши ях дар баландии 4 ҳазору 500 м дар ҷараёни чорабинии ҷустуҷўӣ аз ҷониби гурўҳи наҷотдиҳандагони Кумитаи мазкур ва пойгоҳи кўҳнавардони «Вертикал» пайдо гардид. Манбаъ ҳамчунин иттилоъ дод, ки ҷасади кўҳнавард аз он ҷо ба шаҳри Душанбе оварда шуд.