Мулоқоти Ҳ. Зарифӣ бо Кнут Воллебек

Душанбе, 26 июл. (АМИТ «Ховар», Пайрав Назаров). — 25 июли соли 2011 мулоқоти Вазири корҳои хориҷии Ҷумҳурии Тоҷикистон Ҳамрохон Зарифӣ бо Комиссари олӣ оид ба ақаллиятҳои миллии Созмони амният ва ҳамкорӣ дар Аврупо (САҲА) Кнут Воллебек баргузор гардид.Дар оғози вохӯрӣ вазир Комиссари олиро хайрамақдам гуфта, аз ҳодисаҳои фоҷиавие, ки дар ин кишвар рух додаанд, ба Ҳукумат ва мардуми Норвегия изҳори ҳамдардӣ намуд.Зимни мулоқот Комиссари олӣ бо мавқеи Ҳукумати Ҷумҳурии Тоҷикистон дар масъалаҳо перомуни ақаллиятҳои миллӣ ва иштироки гурӯҳҳои этникӣ дар ҳаёти ҷамъиятӣ, аз ҷумла дар соҳаҳои маориф, забон ва сиёсат шиносоӣ пайдо намуд.Мусоҳибон роҷеъ ба масъалаҳои муҳими тавсеаи ҳамкориҳо бо кишварҳои Осиёи Марказӣ муфассал табодули назар намуданд.Ҷонибҳо аз натиҷаи мулоқот изҳори қаноатмандӣ карда, ба тақвияти ҳамкории минбаъда миёни Тоҷикистон ва САҲА изҳори боварӣ намуданд.