Мулоқоти Ҳ.Зарифӣ бо сафири нави Покистон

Душанбе, 13 июл. (АМИТ «Ховар», Пайрав Назаров). – 12 июл Вазири корҳои хориҷии Ҷумҳурии Тоҷикистон Ҳамрохон Зарифӣ Сафири нави Фавқулодда ва Мухтори Ҷумҳурии Исломии Покистон дар Ҷумҳурии Тоҷикистон Амҷад Ҳусайн Баркаталӣ Сиялро ба ҳузур пазируфт.Сафир дар ҷараёни мулоқот, ки дар вазъияти дӯстона сурат гирифт, нусхаҳои эътимодномаҳоро ба Вазири корҳои хориҷии Тоҷикистон супурд. Ҳамчунин масъалаҳои рушди муносибатҳои миёни Тоҷикистон ва Покистон баррасӣ шуданд.Сафири Покистон зикр намуд, ки ба манзури гузоштани саҳми худ ба таҳкими муносибатҳои неки миёни Тоҷикистону Покистон саъю кӯшиш менамояд.Ҷонибҳо аз он изҳори тафоҳум намуданд, ки рушди муносибатҳои байни Тоҷикистону Покистон бо вазъияти Афғонистон алоқаи мустақим дошта, бояд дар масъалаи барқарор намудани сулҳу мувозинат, ҳамчунин ҷиҳати рушди иҷтимоию иқтисодии ин кишвари ҷабрдида ҳамкорӣ намуд.Дар ин бора ба АМИТ «Ховар» дар Раёсати иттилоот, матбуот, таҳлил ва тарҳрезии сиёсати хориҷии ВКХ ҶТ иттилоъ доданд.