Мусоҳибон ба натиҷа расиданд
Душанбе, 28 июл.(АМИТ «Ховар», Марзия Саидова).- Масъалаи таҳкими ҳамкориҳои судманд миёни Тоҷикистону Эрон, хусусан тавсеаи равобит дар бахши табодули таҷрибаи технология ва барномаҳои сохтмони манзилҳои истиқоматӣ бо ҷалби мутахассисон ва сармояи эронӣ дар Тоҷикистон дар меҳвари мулоқоти Маҳмадсаид Убайдуллоев, Раиси Маҷлиси миллии Маҷлиси Олии ҷумҳурӣ ва Алиасғари Шеърдӯст, сафири фавқулодда ва мухтори Ҷумҳурии Исломии Эрон дар Ҷумҳурии Тоҷикистон қарор дошт.Зикр шуд, ки заминаҳои ҳуқуқии дар доираи қонунгузории кишвар фароҳам шуда имкон медиҳанд, ки тасмимоти мазкур татбиқи воқеӣ ёбанд. Мусоҳибон, ҳамзамон масъалаҳои дар доираи тафоҳумоти олии дар сатҳи роҳбарони ҳар ду давлат ҳосил гардидаро ки ба рушди муносибатҳои гуногунҷабҳаи кишварҳо мусоидат менамоянд, баррасӣ карданд.Дар фарҷоми мулоқот мусоҳибон ба натиҷа расиданд, ки иқтидори ҳар ду ҷониб дар самти тавсеаи ҳамкориҳо самарабахш истифода гарданд.
Пагоҳ дар якчанд вазорату идора нишасти матбуотӣ баргузор мегардад
«КИШВАРИ САБЗ». Соли 2026 дар Тоҷикистон беш аз 3,7 миллион ниҳоли дарахтони ҳамешасабз ва сояафкану ороишӣ шинонида шуд
Имрӯз дар шаҳри Душанбе ҳаво то 38 дараҷа гарм мешавад
Дар «Офтобак»-и шаҳри Норак 100 кӯдак ба истироҳат фаро гирифта шуданд
Имрӯз дар водиҳои Тоҷикистон ҳаво то 41 дараҷа гарм мешавад
Имрӯз дар шаҳри Душанбе ҳаво то 38 дараҷа гарм мешавад
Навгониҳои электронӣ дар самти рақамикунонии хизматрасониҳои андоз муаррифӣ гардид
