Намоишгоҳи байналмилалии «Хуҷанд -2011»

Душанбе, 25 июл. (АМИТ «Ховар», Лутфия Эшонқулова).- Аз 27 то 31 — уми июли соли ҷорӣ дар боғи фарҳангу фароғатии «Наврӯзгоҳ»-и шаҳри Хуҷанд намоишгоҳи байналмиллалии «Хуҷанд — 2011» бо иштироки ширкати «Сурӯши Хуросон»-и Ҷумҳурии Исломии Эрон баргузор мегардад.Тавре аз Хадамоти матбуотии Раиси вилояти Суғд ба мухбири АМИТ «Ховар» хабар доданд, дар намоишгоҳ намояндагони мақомоти иҷроияи ҳокимияти давлатии вилоят, шаҳри Хуҷанд, сафорати Ҷумҳурии Исломии Эрон дар Тоҷикистон ва соҳибкорон иштирок мекунанд.Ҳамчунин дар назар аст, ки меҳмонон аз ҷойҳои таърихии вилоят, аз ҷумла масҷиди Шайх Муслиҳиддин ва бозори «Панҷшанбе»-и маркази вилоят дидан менамоянд.