Натиҷагирӣ аз тадқиқоти иҷтимоӣ

Душанбе, 13 июл.(АМИТ «Ховар», Марзия Саидова).- Натиҷаи тадқиқоти иҷтимоӣ дар мавриди мушкилоти ҳуқуқии дастрасии занон ба молу мулк зимни баргузории як Форум 29 июли соли равон дар Душанбе баррасӣ мегардад.Тадқиқоти мазкур дар доираи лоиҳаи «Татбиқи таҷриба: таъмини ҳуқуқи занон ҷиҳати дастрасӣ ба молу мулк дар асоси меъёрҳои қонунҳои амалкунанда ва ҳуқуқҳои шариат» дар минтақаҳои ҷануби кишвар гузаронида шуд.Интизор меравад, ки дар кори Форум намояндагони мақомоти давлатӣ-Кумитаи кор бо занон ва оилаи назди ҳукумати ҷумҳурӣ, созмонҳои байналмилалӣ, ташкилотҳои ҷамъиятӣ ва ходимони дин иштирок менамоянд.