Наворбардории «Савгандшикаста» дар фурудғоҳ
Душанбе, 16 июл. (АМИТ «Ховар», Мавзуна Бойева).-Ба муносибати 20-солагии ҷашни Истиқлолияти давлатии Ҷумҳурии Тоҷикистон киностудияи «Тоҷикфилм» тасмим гирифтааст аз рӯи сенарияи нависанда Муҳибулло Қурбон силсилафилми бадеии «Савгандшикаста»-ро наворбардорӣ намояд. Як лаҳзаи филми мазкур дар пасманзари фурудгоҳи байналмилалии Душанбе наворбардорӣ шуд. Қаҳрамони асосии филм профессор Ансориён аст, ки носозгории муҳити хонаводагӣ ҳаёти ӯро дигар кардааст. Нақшҳоро ҳунармандони шинохтаи театр ва кино Маҳмадсаид Пиров, Муҳаммадзоҳид Ашӯров, Обид Назаров, Таҳмина Раҷабова ва Шӯҳрат Ҳалимов офаридаанд.Коргардони филми «Савгандшикаста» Раҷабалӣ Пиров иброз дошт, ки то имрӯз қисмати зиёди филмро наворбардорӣ кардаанд. Саҳнаҳои ҷолибу тарбиявии филм дар шаҳрҳои Қайроққум, Чкалов, Бобоҷон Ғафуров ва Хуҷанд рӯи навор омадаанд. Барои нишон додани табиати нотакрори Тоҷикистон як қисми саҳнаҳои филм дар дараҳои хушманзараи Варзоб, Ромит ва ағбаи Шаҳристон наворбардорӣ шудаанд. Ба қавли Раҷабалӣ Пиров ҳунармандоне, ки барои иштирок дар филми мазкур ҷалб шудаанд, бо дарки масъулият заҳмат мекашанд, хусусан наворбардорон Алишер Неъматов ва Рустам Азизов касбияти баланд нишон медиҳанд. Ният аст, ки филми мазкур то ҷашни 20- солагии Истиқлолияти давлатии кишвар пешкаши тамошобин гардад.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






