Омодагирӣ ба ҷашни Истиқлол

Ваҳдат, 21 июл. (АМИТ «Ховар», Зебо Давлатова). – Раиси шаҳри Ваҳдат Анвари Вайсиддин 20 июл зимни нишасти матбуотӣ перомуни дастовардҳои шашмоҳаи шаҳр гуфт, ки дар нимаи аввали соли ҷорӣ ҷамъи даромадҳои маҳаллӣ ва ҷумҳуриявӣ 32 миллиону 358 ҳазор сомониро ташкил намуд, ки баробари 107 фоизи нақша буда, нисбат ба ҳамин давраи соли гузашта 15 миллиону 347 ҳазор сомонӣ зиёд аст. Бо назардошти даромадҳо аз буҷаи ҷумҳуриявӣ, маблағҳои аз бақияи озод ҷудошуда, маблағҳои мақсадноки аз буҷети ҷумҳуриявӣ ба маблағҳои бо тариқи ҳисоббаробаркунӣ дохилшуда нисбат ба ҳамин давраи соли гузашта зиёд буда, 107 фоизи нақшаи шашмоҳаро ташкил менамояд.Раиси шаҳр Анвари Вайсиддин дар боби дастовардҳои соҳаи маориф, фарҳанг, кишоварзӣ, сохтмону анзавсозиҳо, ки ба истиқболи 20 – солагии Истиқлолияти кишвар бахшида шудаанд, сухан гуфт.