Ошкоркунии ҷиноятҳо беҳтар шудааст

Душанбе, 20 июл. (АМИТ «Ховар», Анварбек Сиддиқов).- «Дар шаш моҳи соли 2011 шумораи ҷиноят дар ҷумҳурӣ нисбат ба ҳамин давраи соли гузашта 30,6 фоиз афзуда, ҳамзамон ошкоркунии он беҳтар ба роҳ монда шудааст», — гуфт вазири корҳои дохилии Ҷумҳурии Тоҷикистон Абдураҳим Қаҳҳоров дар нишасти матбуотие, ки 20 июл дар шаҳри Душанбе баргузор гардид.Афзоиши ҷиноятҳо аслан аз ҳисоби ҷиноятҳои иқтисодӣ буда, дар нимаи аввали соли ҷорӣ дар кишвар 2 ҳазору 289 ҷиноят ба қайд гирифта шудааст,- иброз намуд номбурда.Ҷалб гардидани қувваю воситаҳои иловагӣ ва ташкили назорати доимӣ, таъмини тартиботи ҳуқуқӣ ба коҳиш ёфтани ҷиноятҳо  аз тарафи ноболиғон ва бо иштироки онҳо, ғоратгарӣ, одамрабоӣ, ғайриқонунӣ нигоҳ доштан, харидану сохтани яроқ, вайрон кардани қоидаҳои ҳаракати роҳ ва истифодаи воситаҳои нақлиёт мусоидат намуд, — қайд кард  Абдураҳим Қаҳҳаров.