Роҳи сунъии нархгузорӣ пешгирӣ мегардад

Июль 29, 2011 10:00

Душанбе, 29 июл. (АМИТ «Ховар», Лаззат Диловарзод).- Ба иттилои вазири рушди иқтисод ва савдо Фаррух Ҳамралиев, аввалҳои соли ҷорӣ аз тарафи воридкунандагони асосии маводи ғизоӣ аз қабили орду гандум ФР ва Ҷумҳурии Қазоқистон бо сабаби хушксолии соли 2010 баъзе маҳдудиятҳо ҷорӣ намуданд, ки он боиси боло рафтани нархи ин навъи маҳсулот дар бозори Ҷумҳурии Тоҷикистон гардид.Рафти ҷамъоварии ғалла дар ин ду кишвари ғаллакор аз рӯёнидани ҳосили хуби он гувоҳӣ медиҳад. Танҳо дар ФР ҷамъоварии ғалла ҳудуди 90 млн. тонна дар назар аст.Ҷумҳурии Қазоқистон ҳам дар соли ҷорӣ нисбат ба соли 2010 як баробар зиёд ғалла истеҳсол карданист. Омили фаровонҳосилӣ дар тобистони соли ҷорӣ боис шуд то монеаҳои қаблӣ оид ба содироти ғалла бекор карда шавад.Ду соли охир дар дохили Ҷумҳурии Тоҷикистон ҳам беш аз 1 млн. тонна ғалладона истеҳсол карда мешавад, ки он 50 фоизи талаботи аҳолиро бо орду гандум таъмин менамояд. Ба андешаи мутахассисони Вазорати рушди иқтисод ва савдо болоравии нархи орду гандум дар Ҷумҳурии Тоҷикистон бо мақсади ба даст овардани манфиати бештар аз тарафи тоҷирон бо роҳи сунъӣ роҳандозӣ шудааст, ки ин амал аз ҷониби Ҳукумати ҷумҳурӣ ва Вазорати рушди иқтисод пешгирӣ хоҳад шуд.

Июль 29, 2011 10:00

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд