Рушди ҳамкориҳои кишоварзӣ бо Британияи Кабир
Душанбе, 29 июл. (АМИТ «Ховар», Дилшодаи Хайруллоҳ).- 28 июли соли равон дар Вазорати кишоварзии Ҷумҳурии Тоҷикистон вохӯрии вазири кишоварзӣ Қ.Қосимов бо Раиси гурӯҳи парлумони Британияи Кабир ҷаноби Лорд Вейверли cурат гирифт, ки мақсад аз он густариш додани ҳамкориҳои дуҷониба ва омода намудани маълумот барои ҷалби сармояи Британияи Кабир ба соҳаи кишоварзии Ҷумҳурии Тоҷикистон буд. Вазири кишоварзӣ Қ. Қосимов ҳамкориҳои дуҷонибаро бо Британияи Кабир дар рушди соҳаи кишоварзӣ мусбат арзёбӣ намуда гуфт, ки Ҷумҳурии Тоҷикистон аз соли 2003 инҷониб бо намояндагии Вазорати рушди байналмилалии Британияи Кабир, ки дар Сафорати Британияи Кабир дар шаҳри Душанбе ҷойгир аст, ҳамкории зич дорад ва дар оянда низ ҳамкориҳои дуҷониба густариш хоҳанд ёфт.Ёдовар шудан бамаврид аст, ки Вазорати рушди байналмилалии Британияи Кабир дар ҳамшарикӣ бо Ҳукумати Ҷумҳурии Тоҷикистон ва Иттиҳоди байналмилалии кишварҳои мададгор ҳамкориҳоро барои рушди соҳаи кишоварзӣ (лоиҳаи дастгирии рушди водии Зарафшон, лоиҳаи дастгирии корҳои мутобиқгардонии соҳаи кишоварзӣ), дастгирии татбиқи барномаҳое, ки ба паст гардидани сатҳи камбизоатӣ дар ҷумҳурӣ мусоидат мекунанд, равона намудааст. Айни замон дар ҳудуди ҷумҳурӣ 5 корхонаи пуриқтидор дар ҳамкорӣ бо Британияи Кабир фаъолият менамояд, ки «Хуҷанд-коттон ЛТД», «Зарафшон», «Дарвоз», «Хуҷанд-Гермес-Корпорейшен ЛТД» ва шабакаи «Савзен-Тоджик Мобайл» аз ҷумлаи онҳоянд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






