Саховати дипломат

Душанбе, 26 июл.(АМИТ «Ховар», Марзия Саидова).-Алиасғари Шеърдӯст, сафири Ҷумҳурии Исломии Эрон дар Ҷумҳурии Тоҷикистон, аз Маркази кӯдакони бепарастори шаҳри Душанбе боздид намуд. Сафир бо шароити зисту тарбияи бачаҳо аз наздик шинос шуда, зимни мулоқот бо мураббияҳои марказ зикр кард, ки – «шумо инсонҳои нексиришт ва муқаддасед, зеро тарбияи кӯдаконеро ба ӯҳда доред, ки онҳо аз меҳру муҳаббати падару модар бебаҳраанд». Дипломати эронӣ ба тарбиятгирандагони марказ, ки теъдодашон беш аз 130 нафар аст, бозичаҳо ва маводи ғизоӣ тақдим карда, ба онҳо тандурустӣ ва саодати рӯзгорро таманно намуд.Сафири Эрон, ҳамзамон аз Маркази куҳансолони шаҳри Душанбе дидан намуда, бо шароити зисти онҳо ошно гардида ва ба онҳо либос, маводи хӯрока ва Қуръони карим эҳдо намуд. Бояд зикр кард, ки дар маркази куҳансолони шаҳри Душанбе 135 нафар пиронсолон зиндагӣ менамоянд.Аз Сафорати Эрон дар Душанбе ба АМИТ Ховар» иттилоъ доданд, ки иқдоми хайрхоҳонаи Алисасғари Шеърдӯст дар нимаи шаъбон сурат гирифтааст.