Саршумори чорвои калони шохдор афзуд

Душанбе, 27 июл. (АМИТ «Ховар», Покиза Маҳмадбекова). — Дар Тоҷикистон саршумори чорвои калони шохдор то 1 июли соли ҷорӣ 50, 5 ҳазор сар ё ин ки нисбат ба ҳамин давраи соли гузашта 2,7 % зиёд шудааст. Аз рӯи маълумоти Агентии омори назди Президенти ҶТ то 1 июл афзоиши саршумори чорвои калони шохдор дар ҳамаи гурӯҳи хоҷагии халқ зиёда аз 1,9 млн. ҳазор сарро ташкил медиҳад. Аз ҷумлаи саршумори умумии чорво 91,9 % чорвои калони шохдор ва 81,1 % гӯсфанду бӯз ба хоҷагиҳои аҳолӣ тааллуқ дорад. Дар ин давра ҳамчунин саршумори гӯсфанд ва бӯз баробари 120, 4 ҳазор сар афзуд. Аз моҳи январ то моҳи июни соли ҷорӣ ҳаҷми истеҳсоли гӯшт дар ҳамаи гурӯҳи хоҷагиҳо 51,3 ҳазор тоннаро ташкил дод, ки назар ба ҳамин давраи соли гузашта 5 % зиёд аст.