«Савгандшикаста» рӯи кор омад

Душанбе, 15 июл. (АМИТ «Ховар», Дилшодаи Хайруллоҳ).- ҶСК «Телерадиоком» дар нимаи якуми соли 2011 дар ноҳияҳои водии Рашт ва ноҳияҳои наздисарҳадии тобеи ҷумҳурӣ аз тарафи наздик ба 90 дастгоҳи мавҷпаҳнкунии телевизионӣ ва радиоиро ба истифода дод, ки дар натиҷа сифати пахши барномаҳо се-чор баробар беҳтар шуд,- иброз дошт ба хабарнигорони ВАО зимни нишасти матбуотӣ раиси Кумитаи телевизион ва радиои назди Ҳукумати Ҷумҳурии Тоҷикистон Асадулло Раҳмонов.Мавсуф афзуд, ки ТВ «Кӯлоб» ҳам иқтидори техникиашро баланд мебардорад. Мавҷгири пахши барномаҳоро 15 метр боло намуда, ба 55 метр расониданием, ки фарогирии мавҷро дар минтақаҳои кӯҳистон хеле беҳтар мекунад.Дар нимаи аввали соли равон гурӯҳи эҷодии Киностудия филми мустанади «Ҷилваи ҳусн» (иборат аз ду қисм), филми мутанади «Сарчашмаи ҳаёт» (доир ба захираҳои оби Тоҷикистон), филми мустанади илмӣ-омӯзишии «Тоҷикистон- ватани Наврӯз аст»-ро ба анҷом расонид. Дубляжи 8 филми ҳунарию ҳуҷҷатӣ анҷом дода шуд. Айни ҳол филми бадеии «Савгандшикаста» пурра наворбардорӣ шуда, рӯи кор аст,-афзуд А. Раҳмонов.