Шишаи «Бародарони саховатманд»

Июль 16, 2011 15:21

Душанбе, 16 июл. (АМИТ «Ховар», Покиза Маҳмадбекова). -Тавре аз Хадамоти матбуоти Раиси вилояти Суғд ба мухбири АМИТ «Ховар» иттилоъ доданд, аз ҷониби корхонаҳои саноатии вилоят ҳаҷми истеҳсоли маҳсулот ба 961,3 миллион сомонӣ расонида шуд, ки суръати афзоиш нисбат ба ҳамин давраи соли гузашта 124,5 фоизро ташкил дода, маҳсулоти саноатӣ ба маблағи 188,9 миллион сомонӣ зиёд истеҳсол гардидааст. Мавсуф афзуд, ки аз 246 корхонаи саноатӣ 175 корхона вусъати афзоишро нисбат ба соли гузашта таъмин намуданд, 54 корхона нисбат ба соли гузашта ҳаҷми истеҳсоли маҳсулотро кам намудаанд ва 17 корхона аз фаъолият бозмондаанд. Аз 72 номгӯи маҳсулоти асосии истеҳсолшавандаи саноатӣ дар нимаи аввали соли 2011 истеҳсоли 40 номгӯй маҳсулоти саноатӣ (55, 5 фоиз) нисбат ба ҳамин давраи соли гузашта зиёд гаштааст. Бояд гуфт, ки дар нимсолаи аввали соли ҷорӣ ҳаҷми истеҳсоли соҳаи саноати сабук 156,4 млн. сомониро ташкил дод, ки суръати афзоиш нисбат ба ҳамин давраи соли гузашта 137,8 фоизро дар бар гирифт. Корхонаҳои соҳаи хӯрокворӣ дар ин муддат ҳаҷми истеҳсоли маҳсулотро бо нархҳои муқоисавӣ ба 93,6 млн. сомонӣ расониданд, ки нисбат ба ҳамин давраи соли гузашта 18,1 фоиз зиёд аст. Қобили зикр аст, ки дар ин давра дар шаҳри Қайроққум заводи истеҳсоли шишаи ширкати “Бародарони саховатманд” бо истифода аз технологияи муосир ба фаъолият оғоз намуда, имконият фароҳам овард, ки бори аввал дар ҷумҳурӣ истеҳсоли шиша ба роҳ монда шавад. Инчунин дар ин давра навбати аввали сохтмони фабрикаҳои ресандагӣ бо коркарди пурраи нахи пахта дар ноҳияҳои Мастчоҳ ва Зафаробод сохта ба истифода дода шуд. Ба фаъолият шурӯъ намудани фабрикаҳо имконият медиҳад, ки коркарди нахи пахтаи дар вилоят истеҳсолшаванда пурра ба роҳ монда шавад.

Июль 16, 2011 15:21

Хабарҳои дигари ин бахш

Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд