Сурия –Тоҷикистон 2:1

Душанбе,  25  июл. (АМИТ «Ховар»,  Пайрав Назаров). – Дастаи  мунтахаби  Тоҷикистон оид ба  футбол рӯзи  шанбеи  гузашта  дар вохӯрии  аввали бозии интихобии Мусобиқоти ҷаҳон  дар соли  2014 бозиро  ба  ҳисоби 1:2  ба  дастаи  мунтахаби  Сурия  бохт. Ин  вохӯрӣ  дар  майдони   кишвари бетараф – Урдун доир  шуда бошад ҳам, вале   футболбозони  Сурия  маҳорати  хеле  баланд  нишон  дода,  дар  қисми  аввали  бозӣ  ба  дарвозаи  футболбозони Тоҷикистон  як  тӯб  заданд. Дар  қисми  2-юми  бозӣ  ҳарифон  ба  дарвозаи  якдигар  як  тӯбӣ  зада, бо ҳамин  мусобиқа  ба  фоидаи  дастаи мунтахаби  Сурия  анҷом  ёфт. Баъди  панҷ  рӯз  дар  шаҳри  Турсунзода  вохӯрии  дуюми ҳар  ду  даста  баргузор  мешавад.