Тӯҳфа ба китобхонаи миллӣ

Хоруғ, 22 июл. (АМИТ «Ховар», Лутфишоҳ Додоев). – Сокинони ноҳияи Роштқальа барои ғанигардонии хазинаи Китобхонаи миллии кишвар, ки дар арафаи ҷашни 20 – солагии Истиқлолияти давлатии ҷумҳурӣ дар маркази мамлакат мавриди баҳрабардорӣ қарор дода мешавад, 10 ҳазор нусха китобҳое оварданд, ки арзиши баланди илмию таърихӣ, фарҳангию бадеӣ доранд, гуфт ба хабарнигорамон мудири шӯъбаи иҷтимоиёт ва робита бо ҷомеаи дастгоҳи раиси ноҳия А.Асенов. Дар маҷмӯъ то имрӯз сокинони вилоят барои ғанигардонии хазинаи Китобхонаи миллии мамлакат беш аз 50 ҳазор китоби бадей, илмию таърихиро гирд овардаанд.