Тақдири 5 гектар заминро кӣ ҳал менамояд?

Ҳисор, 14 июл.(АМИТ «Ховар», Ҳотам Рабиев).-Таъкидҳои пайвастаи Сарвари Давлат Эмомалӣ Раҳмон ҷиҳати истифодаи самараноки ҳар ваҷаб замин дар манотиқи ҷумҳурӣ мавриди пуштибонӣ ва ҳамовозии гарм қарор гирифтааст. Чанд сол боз 5 гектар замине, ки дар гардишгоҳи роҳи Ҳисор барои сохтмони бозор пешбинӣ шуда буд, аз истифода берун мондааст. Дар он на сохтмони бозор шурӯъ мешавад ва на чизе кошта. Агар доир ба ин масъала ба масъулини мақомоти иҷроияи ҳокимияти давлатии ноҳияи Ҳисор савол диҳанд, онҳо ҷавоб медиҳанд, ки сохтмони бозор рӯзҳои наздик оғоз меёбад. Аммо моҳҳо ва солҳо мегузаранду сохтмони бозор оғоз намеёбад. Тақдири 5 гектар замини ин мавзеъ чанд сол аст, ки чунин аст. То кай тарҳу лоиҳаи биноро омода мекунему захираю имкониятҳоро ба назар намегирем?