Таҷҳизоти барқи офтобӣ -тӯҳфа ба мардуми кӯҳистон

Душанбе, 27 июл. (АМИТ «Ховар», Мавзуна Бойева).- Бо ташаб6усу дастгирии президенти Ҷумҳурии Тоҷикистон Эмомалӣ Раҳмон бахшида ба 20- солагии Истиқлолияти давлатии ҶТ Вазоратн энергетика ва саноати Ҷумҳурии Тоҷикистон дар доираи хамкориҳои хориҷӣ бо кишвару созмон ва ширкатҳо ба ҷумҳурӣ зиёда аз 2 ҳазор маҷмӯи таҷҳизоти барқи офтобиро ворид намуд. Мутобиқи даcтyри Президенти кишвар ин таҷҳизот ҳамчун кӯмак ва ба тариқи ройгон ба минтақаҳои кӯҳистони ҷумҳурй тақсим карда мешавад. Дар ин бора ба мухбири АМИТ «Ховар» аз дафтари матбуоти вазорати энергетика ва саноати ҶТ итиллоъ доданд.25 июли соли ҷорӣ бо ҳузури раиси ноҳияи Айнӣ Рустам Раҳматов ба ноҳия 85 адад таҷҳизоти барқи офтобӣ ба манзилҳои истиқоматии сокинони минтақаҳои кӯхистони Яғноб ҳамчун тӯҳфа насб карда шуданд.1 маҷмӯаи таҷҳизоти барқи офтобй 30 Вт буда, ҳангоми насб гардидан қувваи он метавонад боз ҳам зиёдтар гардад. Дар назар аст, ки рӯзҳои наздик ба сокинони ноҳияи Балҷувон 100 адад, ба ноҳияи Ховалинг 100 адад ва ба Вилояти Мухтори Кӯҳистони Бадахшон 1,5 ҳазор таҷҳизоти барқи офтобӣ дода шуда, қисми боқимонда ба дигар ноҳияҳо дастрас карда мешаванд.