Тахмина Ниёзова «Витебск-2011»-ро тасхир мекунад

Июль 11, 2011 12:53

Душанбе, 11 июл. (АМИТ «Ховар», Ҳалима Хушқадамова). – 8 июли соли 2011 дар Ҷумҳурии Беларус ХХ-умин ҷашнвораи байналхалқии санъат таҳти унвони «Бозори славянӣ дар Витебск» оғоз гардид. Тавре ба хабарнигори махсуси АМИТ «Ховар» аз сафорати Ҷумҳурии Тоҷикистон дар Ҷумҳурии Беларус хабар доданд, дар ҷашнвораи мазкур миёни 20 нафар сарояндагони ҷавони сурудҳои эстрадӣ аз 20 давлати ҷаҳон бори аввал намояндаи ҶТ- ҳунарманди тоҷик Таҳмина Ниёзова ширкат менамояд.Ёдовар мешавем, ки Таҳмина Ниёзова-овозхони ҷавони сурудҳои эстрадӣ набераи Ҳунарманди халқии Тоҷикистон, сарояндаи сурудҳои классикии «Шашмақом» Боймуҳаммад Ниёзов буда, соли 2008 соҳиби «Шоҳҷоиза»-и озмуни байналхалқии мусиқӣ дар кишварҳои ИДМ ва Балтия-«Панҷ ситора-Интервидение» дар шаҳри Сочии Русия ва дорандаи ҷоиза дар номгӯи «Иштирокчии ҷавон» гардидааст. Тибқи иттилои Агентии давлатии иттилоотии Беларус «Белта» дар доираи ҷашнвора зиёда аз 70 чорабинӣ, аз ҷумла расми ифтитоҳ ва хатми барномаҳои консертӣ, устодони санъати Беларус, Русия, Украина ва дигар давлатҳои ИДМ, озмуни байналхалқии ҳунармандони сурудҳои эстрадии «Витебск-2011», озмуни байналхалқии истеъдодҳои наврас ва яккахонии ситораҳои эстрада доир мегардад.

Июль 11, 2011 12:53

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд