Таъсиси Комиссияи нав дар Парлумон

Душанбе, 21 июл.(АМИТ «Ховар», Марзия Саидова).- Аъзои палатаи болоии парлумони Тоҷикистон дар иҷлосияи шашуми Маҷлиси миллии Маҷлиси Олии Ҷумҳурии Тоҷикистон 21 июл қарор қабул намуданд, ки мутобиқи он дар Маҷлиси миллӣ Комиссияи машваратӣ таъсис дода мешавад.Ҳадаф аз таъсиси Комиссияи машваратӣ дар палатаи болоии парлумони мамлакат, ҳамаҷониба омӯхтан ва таҳлили қонунҳою санадҳои меъёрию ҳуқуқии кишвар бо ҷалби беҳтарин коршиносону ҳуқуқшиносон ва мутахассисони варзида мебошад. Инчунин, рисолати дигари Комиссияи мазкур мутобиқ намудани қонунҳои кишвар ба меъёрҳои байналмилалӣ бо истифодаи таҷрибаи қонунофарии кишварҳои пешрафта мебошад, ки он ба мукаммал гардонидани қонунҳои ҷумҳурӣ мусоидат менамояд.