Тоҷикистон — кишвари сайёҳӣ

Душанбе, 12 июл. (АМИТ «Ховар», Дилшодаи Хайруллоҳ).- Дар семоҳаи дуюми соли 2011 ба кишвар 62 ҳазор шаҳрванди хориҷӣ ворид гашт. Аз ин ҳисоб 53 ҳазор нафарашон сайёҳ арзёбӣ мегарданд, гуфт ба хабарнигорони ВАО раиси Кумитаи ҷавонон, варзиш ва сайёҳӣ Маликшо Неъматов.Тибқи таҳлили мутахассисони байналмилалӣ, агар ҳар як сайёҳи хориҷӣ ҳангоми будубош дар мамлакат ба ҳисоби миёна 500 доллари амрикоӣ харҷ намояд, дар давраи ҳисоботӣ аз ҳисоби соҳаи сайёҳӣ ба иқтисодиёти мамлакат 26 миллиону 500 доллари амрикоӣ маблағи нақд ворид гаштааст,- афзуд ӯ.Зикр гардид, ки ба ҳайси сайёҳ ба ҷумҳурии мо бештар шаҳрвандони кишварҳои Эрон, Афғонистон, Русия, Амрико, Хитой, Туркия, Олмон, Ҷопон, Фаронса ва Кореяи Ҷанубӣ ташриф овардаанд.Дар маҷмӯъ, ба тариқи инфиродӣ ва муташаккилона намояндагони зиёда аз 70 мамлакати дунё аз Ҷумҳурии Тоҷикистон дидан намудаанд.