Ярмаркаи ҷои кор

Кўлоб, 22 июл. (АМИТ «Ховар», Сулаймон Холов). — Агентии давлатии ҳифзи иҷтимоӣ, шуғли ахолӣ ва муҳоҷират ярмаркаи ҷойҳои холии кор доир намуд.Дар ярмаркаи ҷойҳои холии кор ва вазифаҳои озод, ки дар шаҳри Кӯлоб ташкил гардид, аз ҷониби корхонаю ташкилот ва муассисаҳои фарҳангию тибии шаҳру ноҳия беш аз 450 ҷойҳои холии кор пешниҳод намуданд. Аз ҷумла, корхонаи пойафзоли шаҳри Кӯлоб, ки дар арафаи ҷашни 20-солагии Истиқлолияти давлатии Ҷумҳурии Тоҷикистон ба истифода дода мешавад, 300 ҷои холии кор пешниҳод намуд. Дар ярмарка инчунин шаҳрвандон барои касбомӯзӣ номнавис шуданд, ки метавонанд дар бахшҳои дӯзандагию челонгарӣ ва дигар намуди касбҳо дар назди райёсати агентӣ дар шаҳри Кӯлоб ба таҳсил фаро гирифта шаванд. Бинобар иттилои раёсати Агентии давлатии ҳифзи иҷтимоӣ, шуғли аҳолӣ ва муҳочират дар шаҳри Кӯлоб то имрӯз ба раёсат 1008 нафар шаҳрвандон барои ҷои кор муроҷиат намуда, 724 нафари онҳо ба қайд гирифта шудаанд.