Ғалабаи аввалини гӯштингири тоҷик дар Париж

Душанбе, 25 август (АМИТ «Ховар», Пайрав Назаров). – Гӯштингири тарзи дзюдои тоик Фарҳод Раҳимов дар мусобиқоти ҷаҳон аз рӯи намуди гӯштин, ки дар шаҳри Парижи Фаронса сурат мегирад, ғалабаи аввалинро ба даст овард. Дар сомонаи расмии Федератсияи байналмилалии дзюдо аз ин хусус хабар дода мешавад.Фарҳод Раҳимов, ки дар вазни то 81 кг қувваозмоӣ менамояд, дар даври аввали мусобиқа дзюдочии Шведсия Робен Пакёрро мағлуб сохт. Ӯ дар даври дуюми мусобиқа бо намояндаи Гаити Д.Ричардсон вомехӯрад. Ҳарифи Шералӣ Бозоров (вазни то 81 кг) варзишгари Аргентина Эммонуел Лукнети мебошад, ки ӯ дар даври аввал гӯштингири покистонӣ Каромат Бутро мағлуб сохтааст.