Ҳаҷми буҷаи давлатии Тоҷикистон афзоиш ёфт

Душанбе, 18 август (АМИТ «Ховар», Покиза маҳмадбекова). – Тайи ҳафт моҳи соли 2011 ҳаҷми умумии буҷаи давлатии Тоҷикистон 4,5 миллиард сомониро ташкил дод. Мувофиқи маълумоти пешакии Вазорати молияи мамлакат, дар ин давра даромади андоз беш аз 2,7 миллиард сомониро ташкил дода, нисбат ба ҳамин давраи соли 2010 баробари 767,6 миллион сомонӣ, ё 39,3 фоиз афзуд.Даромади ғайриандозӣ дар ҳаҷми умумии мадохилот 6,6 фоиз ё 262,3 миллион сомониро ташкил дод, ки нисбат ба ҳамин давраи соли гузашта баробари 131,7 миллион сомонӣ зиёд мебошад.Хароҷоти буҷаи давлатӣ дар моҳҳои январ – июни соли равон беш аз 3,8 миллион сомонӣ буд, ки нисбат ба нишондиҳандаи ҳамин давраи соли гузашта баробари 1,3 миллиард сомонӣ зиёд аст.