Ҳаҷми муомилоти савдо афзуд

Душанбе, 30 август (АМИТ «Ховар», Покиза Маҳмадбекова). – Дар Тоҷикистон ҳаҷми муомилоти савдо, тармими автомобилҳо, молҳои рӯзгор ва асбобҳои истифодаи шахсӣ афзуд. Мувофиқи маълумоти Агентии омори назди Президенти Ҷумҳурии Тоҷикистон моҳҳои январ – июли соли равон муомилоти савдои чакана 8,7 фоиз зиёд шуд, ки ин нисбат ба ҳамин давраи соли гузашта баробари 831,1 миллион сомонӣ зиёд аст.Ҳаҷми умумии муомилоти чаканаи моли сохторҳои дигари тиҷоратӣ беш аз 4,1 миллиард сомониро ташкил дод.Дар ин давра вазни қиёсии муомилоти моли бахши ғайридавлатии савдо 98,8 фоизи ҳаҷми умумиро ташкил дод. Вазни қиёсии амволи озуқа дар ҳаҷми умумии муомилоти мол 47,3 фоиз, ё беш аз 1,9 миллиард сомониро ташкил дод. Ҳаҷми муомилоти чаканаи мол тайи моҳҳои январ – июли соли 2011 ба ҳар сар аҳолии ҷумҳурӣ ба ҳисоби миёна баробари 543,4 сомонӣ буд. Дар ҳамин давра ҳаҷми хизматрасонии меҳмонхонаю тарабхонаҳо 276,9 миллион сомониро ташкил дода, нисбат ба ҳамин давраи соли гузашта 4,1 фоиз афзуд.