Ҷони худу дигаронро зери хатар нагузоред

Ваҳдат, 15 август. (АМИТ «Ховар», Зебо Давлатова). – Давоми шаш моҳи соли ҷорӣ дар шаҳри Ваҳдат 27 ҳодисаи нохуши нақлиётӣ рух дод, — гуфт муовини сардори ШКД – и шаҳри Ваҳдат Абдусаттор Гулов ба хабарнигори АМИТ «Ховар». Бар асари ин ҳодисаҳои нохуш 9 нафар ба ҳалокат расида, 12 нафар ҷароҳати гуногуни ҷисмонӣ гирифтанд.
 
Мавсуф гуфт, ки қисми зиёди ин ҳодисаҳо бо сабаби надонистани қоидаҳои ҳаракати роҳ, дар ҳолати мастӣ рондани мошин ва бо суръати баланд ҳаракат намудан дар роҳ мебошад. Аз ин лиҳоз аз ронандагон хоҳиш мешавад, ки ҷони худу дигаронро зери хатар нагузоранд.