«20-солагии Истиқлолият» — ҳадяе аз ҷашнвора ба пахтакорон

Душанбе, 18 август. (АМИТ «Ховар», Дилшодаи Хайруллоҳ).- Олимони Пажӯҳишгоҳи зироаткории Академияи илмҳои кишоварзӣ дар натиҷаи дурагакунии ду навъи пахта намудҳои наверо ба вуҷуд оварданд, ки «20-солагии Истиқлолият» ва «Авесто» номгузорӣ шудаанд. Дар натиҷаи гузаронидани таҳқиқот олимон муайян карданд, ки навъҳои мазкур ба иқлими Тоҷикистон мувофиқ буда, он метавонад навгоние дар соҳаи кишоварзии мамлакат ворид намояд. Бори аввал имсол дар масоҳати 10 сотиқ замин дар ноҳияи Ҳисор навъҳои пахтаи «20-солагии Истиқлолият» ва «Авесто» кишта шуд, ки айни замон нашъунамои он хуб аст.Маврид ба зикр аст, ки ин ду навъи пахта нуриҳои офтобро хуб қабул менамоянд, ки ин хусусият барои нашъунамои дурусти пахта мусоидат менамояд. Аз ҷиҳати ҳосилнокӣ аз ин навъҳои пахта метавон то 45-47 сентнер ҳосил гирифт.