Абдулқодирзода соҳибкоронро ба адлу инсоф ҳидоят кард
Душанбе, 5 август.(АМИТ «Ховар», Марзия Саидова).-Сайидмукаррам Абдулқодирзода, Раиси Шӯрои уламои Маркази исломии Тоҷикистон, бо соҳибкорони бозори «Шоҳмансур» — и пойтахт мулоқот анҷом дод.Раиси Шӯрои уламои ҷумҳурӣ зимни мулоқоти худ роҷеъ ба фазилат ва фалсафаи бузурги моҳи мубораки Рамазон сӯҳбат карда, соҳибкоронро ба адлу инсоф, ҳимматбаландию хайрхоҳӣ дар ин моҳи шариф ҳидоят намуд. Раиси Шӯрои уламо доир ба инсофу ҳимматбаландӣ, хайру эҳсон ва дар ин моҳи муборак кӯмак расонидан ба ятимону барҷомондагон ва мардуми камбизоат ривоят намуда, гуфт ки як амали нек баробар ба як амали фарз буда, як амали фарз баробар бар 70 амали фарз аст. Сарвари мусулмонони кишвар зикр кард, ки дар баробари тоату ибодат ва қироати Қуръони азимушшаън дар ин моҳ бояд ҳар фарди мусулмон, бахусус соҳибкорон, ки дар мағозаю бозорҳо ба фурӯши молу маҳсулоти ниёзи мардум машғуланд, аз ҳар гуна кирдорҳои ношоиста, хусусан дурӯғгӯию мардумфиребӣ ва беинсофӣ ҳазар намуда, ба эҳсонкорӣ ва корҳои хайру савоб даст зананд. Зеро ба ҷо овардани чунин фазилатҳои неки инсонӣ, арҷгузории мусулмонон ба фармудаҳои илоҳӣ, дини мубини ислом ва рисолати моҳи мубораки Рамазон аст.Бояд тазаккур дод, ки дар ҷаласаи шаҳрдории Душанбе, ки 1 августи соли равон баргузор шуд, Раиси шаҳри Душанбе Маҳмадсаид Убайдуллоев дастур дода буд, ки дар мавриди дар моҳи Рамазон аз рӯи инсоф ба фурӯш гузоштани маҳсулоти хӯрокӣ дар бозорҳои пойтахт аз нерӯи имомхатибон ва дигар ходимони дин истифода карда шавад.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






