Афви занону ноболиғон дар даҳаи мағфират

Август 19, 2011 16:53

Душанбе, 19 август.(АМИТ «Ховар», Марзия Саидова).- 13-умин санади афв 19 август аз ҷониби парлумони Тоҷикистон қабул гардид. Қабули ин санад ба ҷашни муҳиму пурифтихори миллӣ-20 умин солгарди Истиқлолияти давлатии Ҷумҳурии Тоҷикистон ва даҳаи мағфирати моҳи мубораки Рамазон рост омад. Назар ба иттилои Прокурори генералии ҷумҳурӣ Шерхон Салимзода, ки лоиҳаи қонуни мазкурро дар парлумон тавзеҳ дод, тибқи қонуни афв беш аз 250 нафар занон ва 107 нафар ноболиғон аз маҳбасҳо озод карда мешаванд. Занон ва ноболиғоне, ки ҷиноятҳои вазнин, аз қабили одамкушӣ, хариду фурӯши одамон, терроризм, хиёнат ба ватан, ҷосусӣ ва дигар ҷиноятҳои махсусан вазнинро содир намудаанд, озод намегарданд. Инчунин, шахсоне, ки ба ҷазои якумрии маҳрумӣ аз озодӣ маҳкум гардидаанд, мӯҳлати ҷазоашон кам карда намешавад. Қаблан дар ҷумҳурӣ қонуни афв дар соли 2009 қабул гардида буд, ки дар он сол Тоҷикистон 15-умин солгарди қабули Конститутсияи ҷумҳурӣ ва бузургдошти Соли Имоми Аъзам, поягузори мазҳаби ҳанафиро дар сатҳи баланд таҷлил намуд.

Август 19, 2011 16:53

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд