Академияи авиатсияи Ҳиндустон боркашонӣ меомӯзад

Душанбе, 10 май. (АМИТ «Ховар», Мавзуна Бойева).- Академияи авиатсияи граждании Ҳиндустон барои бозомўзии кормандони соҳаи авиатсия курсҳои кўтоҳмуддат ташкил кард. Аз 1 то 5 августи соли ҷорӣ дар доираи барномаҳои Ташкилоти байналхалқии авиатсионӣ (ИКАО) бозомўзӣ дар мавзўи «Идора кардани ҳамлу нақл» баргузор гардид. Манучеҳр Сафаров, сардори шўъбаи ҳуқуқи фурудгоҳи Душанбе, яке аз иштирокдорони курси таълимӣ иброз дошт, ки дарсҳои назариявӣ дар таълимгоҳи академияи авиатсионии шаҳри Деҳлӣ сурат гирифтанд. Таҳсил бо забони англисӣ буда, аз 7 кишвар- Ҳиндустон, Тоҷикистон, Филиппин, Нигерия, Ботсвана ва Қазоқистон 16 нафар намоянда иштирок карданд. Таҳсилгирандагон бо фаъолияти терминали боркашонии фурудгоҳи Деҳлӣ шинос шуданд. Бино ба гуфти М. Сафаров риштаи идоракунии терминал дар дасти ширкати туркии «Челебӣ» (Celebi) буда, соле то 600 000 тонна борро судуру вуруд менамояд. Дар доираи қабули имтиҳон шунавандагон мустақилона оид ба идораи ҳамлу нақл лоиҳаҳои худро пешниҳод карданд.