«Андешаи миллӣ»-асари хештаншиносӣ

Душанбе, 6 август. (АМИТ «Ховар», Дилшодаи Хайруллоҳ).- Соли гузашта Президенти мамлакат Эмомалӣ Раҳмон зимни сафари худ ба шаҳри Хуҷанд ба ҳайати кормандони Донишгоҳи давлатии ҳуқуқ, тиҷорат ва сиёсати Тоҷикистон супориш дода буд, ки бо мақсади тарбияи насли ҷавон дар рўҳияи худогоҳиву хештаншиносӣ, баланд бардоштани рўҳияи ватандўстӣ ва ифтихор аз давлатдории милливу фарҳанги волои аҷдодӣ китоби дарсии «Андешаи миллии тоҷикон» таҳия карда шавад. Шоёни таҳсин аст, ки чанд рўз қабл китоби мазкур аз ҷониби профессорону устодони донишгоҳ таҳия ва бо сифати баланд нашр гардид.Мавриди зикр аст, ки таҳияву ба нашр расидани чунин асарҳо имконият фароҳам меорад, ки «Андешаи миллӣ» ҳамчун фанни махсус ба низоми таълимии кишвар ворид гардида, ба донишҷўёни мактабҳои олӣ таълим дода шавад. Зеро худшиносӣ ва худогоҳии миллӣ дар натиҷаи омўзиши амиқи таъриху фарҳанг ва тамаддуни миллати худ ва муқоисаи он бо тамаддунҳои дигар ба вуҷуд меояд. Аз ин рў, бо эътимоди комил гуфтан мумкин аст, ки дар заминаи ин китоб боз силсилакитобҳои дигар таҳия ва нашр хоҳанд шуд.