Андоз – сарчашмаи даромад

Фархор, 18 август. (АМИТ «Ховар», С. Холов). – Бино ба иттилои сардори нозироти андози ноҳияи Фархор Холназар Намозов, ҷамъоварии андоз аз тарафи кормандони нозирот ҷараён дошта, дар давоми 7 моҳи соли ҷорӣ аз 16 намуди андоз 1- тоаш иҷро нашудааст. Ба гуфти манбаъ, қарзи умумии андоз аз тарафи ташкилоту муассиса ва хоҷагиҳо ба 2 миллиону 309 ҳазору 500 сомонӣ расидааст, ки нисбат ба соли гузашта зиёд аст.Намозов гуфт, ки кормандони нозироти андоз 55 нафар ҳуқуқвайронкунандагони андозро ба маблағи 26 500 сомонӣ ҷаримабандӣ намуданд.