Азнавсозӣ дар бозор

Ҳамадонӣ, 22 август. (АМИТ «Ховар», С. Холов). – Бозори марказии ноҳияи Мирсаид Алии Ҳамадонӣ давоми солҳои 2011 – 2012 азнавсозӣ гардида, дар он мағозаҳои замонавӣ ва дӯконҳои фурӯши маҳсулоти ниёзи мардум сохта ба истифода дода мешавад. Директори бозор Асадулло Абдуллоев дар робита ба ин мавзӯъ гуфт, ки мувофиқи лоиҳа бозор барои 800 ҷойи нишаст сохта шуда, бо шароити лозимӣ таъмин мешавад.То имрӯз дар 68 мағозаю дӯкон сохтмон ҷараён дорад. Инчунин аз даромади бозор то ҷашни 20 — солагии Истиқлолияти давлатии ҶТ 1 нонвойхона, 2 дӯкони гӯштфурӯшӣ ва 1 дӯкони фурӯши маҳсулоти хоҷагии қишлоқ ба истифода дода шуда, беш аз 90 нафар бо ҷойи кор таъмин мегарданд.