Баррасии масоили таълими томактабӣ ва мактабӣ

Душанбе, 18 август (АМИТ «Ховар», Людмила Дубинина). – Аз 18 то 20 август дар шаҳри Туркистони Қазоқистон конфронси миллии роҳбарону мутахассисон аз рӯи масъалаи таҳсилоти томактабӣ ва мактабӣ баргузор мешавад.Конфронс дар чаҳорчӯбаи лоиҳаи байналмилалии рушди тафаккури танқидии мактабиён бо усули қироату тадрис доир мегардад. Аз ҷониби Тоҷикистон дар конфронс президенти Академияи маорифи Тоҷикистон Ирина Каримова ва сардори раёсати муассисаҳои томактабӣ ва мактабии Вазорати маорифи Ҷумҳурии Тоҷикистон Файзулло Партовов иштирок менамоянд.Дар ҷараёни ин конфронс масоили муҳими марбут ба самтҳои авлавиятдори педагогика, дурнамо ва пешниҳоди нав мавриди муҳокима қарор мегирад, ки ин ба рушду тараққии ҷомеаи кушода, демократикунонии маориф ва густариши минбаъдаи касбу ҳунари педагогҳо, бешубҳа, саҳми худро мегузорад.