Баррасии рушди иқтисодиёти миллӣ

Душанбе, 22 август (АМИТ «Ховар», Покиза Маҳмадбекова. – 19 август дар Вазорати рушди иқтисод ва савдо ба ифтихори таҷлили 20 – умин солгарди Истиқлолияти давлатии Ҷумҳурии Тоҷикистон дар мавзӯи «Истиқлолият ва рушди иқтисодиёти миллӣ» семинари илмию амалӣ баргузор гардид.Дар кори семинар роҳбарияти Вазорати рушди иқтисод ва савдо, роҳбарони раёсатҳо, кормандони дастгоҳи марказии вазорат, роҳбарони сохторҳои зертобеъ, ҳамчунин намояндагони васоити ахбори омма иштирок доштанд. Дар ҷараёни семинар мавзӯҳои «Ҷамъбасти рушди иҷтимоию иқтисодӣ дар давраи истиқлолият», «Истиқлолият ва рушди ҳамкории иқтисодӣ бо кишварҳои хориҷӣ», «Густариши нерӯи содиротӣ дар давраи соҳибихтиёрӣ» ва «Мақоми истиқлолият барои рушди забони давлатӣ» мавриди баррасӣ қарор гирифтанд.