Баррасии таҷрибаи ислоҳот дар Гурҷистон

Душанбе, 15 август (АМИТ «Ховар», Покиза Маҳмадбекова). – 20 август Маркази бозори озоди Тоҷикистон маҷлиси навбатии Клуби бозори озодро дар мавзӯи «Таҷрибаи ислоҳоти Гурҷистон» бахшида ба баррасии яке аз мисолҳои ҷолибтарини рӯи кор овардани дигаргунсозиҳои иқтисодӣ ташкил менамояд.Тавре дар Маркази бозори озоди Тоҷикистон ба АМИТ «Ховар» иттилоъ доданд, барҳам додани бисёр мақомоти назораткунанда ва лағв намудани аксарияти иҷозатномаҳо боиси бесарусомонӣ нашуда, балки муяссар гардид, ки қоғазпартоиро аз байн бурда, ришвахӯриро коҳиш дода ва сармояҳои бештари хориҷӣ ҷалб карда шаванд. Мувофиқи суханони манбаъ хоҳишмандони иштирок дар маҷлиси клуб бояд ба унвонии freemarket.tj@gmail.сom дархост дода ва иштироки худро то 18 августи соли равон ба таври хаттӣ тасдиқ намоянд.Синни иштирокдорон аз 18 то 36 сол маҳдуд карда шудааст.